Bundan milyonlarla il əvvəl də indiki vaxtda olduğu kimi milyonlarla canlı növü yaşamışdır. 550 milyon il əvvəl ən mürəkkəb göz quruluşlarıyla dənizin dibini bəzəyən trilobitlərdən dəniz ulduzlarına, indiki vaxtda yaşayan balıqlardan xoş ətirli çiçəklərə, şirlərə, dovşanlara, rəngbərəng quşlara, atlara, dələlərə, delfinlərdən kəpənəklərə, cırcırama böcəyinə, sərçələrdən quzulara, qarışqalardan insanlara qədər yer üzü yüz milyonlarla ildir ki, canlılarla dolub daşmış, bəzilərinin nəsli tükənmiş, bəzilərinin nəsli isə dövrümüzə qədər davam etmişdir.
Kitab boyunca nəzərdən keçirdiyimiz kimi bütün bu canlılar yer üzündə qəfildən ortaya çıxıblar və heç bir dəyişikliyə məruz qalmayıblar. Təbiət tarixi boyunca yaşamış canlılarla əlaqədar məlumat qaynağımız olan qalıqlardan aydın olduğu kimi, yer üzündə həmişə tam xüsusiyyətlərə sahib canlılar yaşamışdır. Bu canlıların ayaqları, əlləri, qanadları, dəriləri, tükləri, ağciyərləri, kəllələri, onurğaları, sümük strukturları və. s həmişə əskiksiz, özünəməxsus və ən ideal quruluşda olmuşdur. Heç bir qalıqda keçid mərhələsində olan, yəni "yarım" bir orqan və ya bədən üzvü yoxdur.
Bundan xeyli əvvəlsə başqa bir möcüzə reallaşmış, yer üzündə heç həyat olmadığı bir vaxtda, yer üzü qəflətən çox zəngin bir müxtəlifliyə sahib canlı qruplarıyla dolmuşdur. Daş, torpaq, sudan ibarət olan dünyaya bir anda həyat gəlmişdir.
Bütün bunların göstərdiyi çox əhəmiyyətli iki həqiqət vardır: Canlıların ortaq bir əcdaddan təsadüflərlə törədiyini irəli sürən təkamül nəzəriyyəsi doğru deyil. Canlıların tarixi, təkamül nəzəriyyəsini qəti və açıq şəkildə yalanlayır. İkinci həqiqət isə çox zəngin, bir-birindən tamamilə fərqli canlı növlərini yoxdan var edən, yer üzünü canlılar üçün əlverişli şəkildə yaradan üstün bir gücə, sonsuz bir elmə, bənzəri olmayan bir ağla, bənzərsiz bir yaratma gücünə sahib olan qüdrətli bir yaradıcının mövcud olduğu həqiqətidir. O yaradıcı, aləmlərin Rəbbi olan uca Allahdır. İnsanlara tarix boyunca elçilər, peyğəmbərlər göndərmiş, Tövrat, Zəbur, İncil və ən axırda isə Quranla insanları haqqa və həqiqətə çağırmışdır.
Materialistlər nə qədər çalışırlarsa çalışsınlar, bütün canlıları Allahın yaratdığı həqiqətini insanlardan gizlədə bilməyəcəklər. Allah bütün kainatın, ulduzların, qalaktikaların, dənizlərin, çayların, bütün canlıların, insanların və hər nə qədər inkar etsələr də materialistlərin yaradıcısıdır.
Quranda Allahın yaratma sənətinin izah edildiyi ayələrdən bəziləri belədir: